ⵉⵖⵜⵙ ⵓⵎⵉⵔⵓ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴰⵣⵔⴼ ⵏ ⴽⵓ ⵓⴳⴳⵉⴷ ⴷ ⵓⴼⵔⵉⴷⵏ ⵏ ⵜⵡⵊⴰ ⵏⵏⵙ ⴳ ⵓⵙⵡⵉⵔ ⴰⵎⴰⴷⴷⵓⵔ ⵉⴳⵓⵎⵏ ⴷⴰ ⵢⴰⴽⴽⴰⵏ ⵜⵉⵖⴰⵡⵙⵉⵡⵉⵏ ⵢⵓⴷⴰⵏ ⵉ ⵡⴰⵙⵙⴰⵔⵏ ⵏⵏⵙⵏ ⴳ ⵜⵉⵔⵎⵜ ⴷ ⵜⵎⵍⵙⵉⵜ ⴷ ⵜⵣⴷⴷⵓⵖⵜ ⴷ ⵓⵣⵔⴼ ⵏⵏⵙ ⴳ ⵓⵙⵖⵓⴷⵓ ⵉⵙⵓⵍⵏ ⵏ ⵜⵎⵙⵓⵜⴰⵍ ⵏⵏⵙ ⵜⵉⵎⴰⴷⴷⵓⵔⵉⵏ. ⵙ ⵓⵙⵢⴰⴼⴰ ⵏⵏⵙ ⵙ ⵜⵉⵏⴷⵉ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴳ ⵜⵏⴼⵔⵓⵜ ⵏ ⵜⵓⴷⵔⵜ ⵉⴼⵓⵍⴽⵉⵏ ⴷ ⵡⴰⵡⴰⴹ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵍⴰ ⵉⵙⵔⵓⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵣⵔⴼⴰⵏ ⴰⴷ ⴳ ⵡⴰⵎⵎⴰⵙ ⵏ ⵉⵙⵡⴰⵍⴰⵜⵏ ⵉⵙⵜⵕⴰⵜⵉⵊⵉⵢⵏ.
ⴳ ⵓⵎⵏⴰⴹ ⴰⴷ, ⵙ ⵓⵣⵓⴳⵣ ⵏ ⵜⵙⵜⵕⴰⵜⵉⵊⵉⵜ ⵉⴱⴷⴷⵏ ⵅⴼ ⵓⵎⵏⵣⴰⵢ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ, ⵉⵙⵏⵎⴰⵍⴰ ⵓⵙⵇⵇⵉⵎ ⴳ ⵓⵙⴳⴳⵯⴰⵙ ⵏ 2019 ⴰⵙⴷⴷⵉ ⵏ ⵉⵎⵛⴰⵡⴰⵕⵏ ⵉⵙⴳⵓⵎⴰⵏⵏ ⵉⵎⵉⵔⵉⵡⵏ, ⴷⵔⵓⵏⵜ ⴳⵉⵙ ⵜⵙⵇⵇⵉⵎⵉⵏ ⴰⴽⴽⵯ ⵜⵉⵏⵎⵏⴰⴹⵉⵏ ⵙ ⵜⴷⵔⴰⵡⵜ ⵏ ⵉⵎⴳⴳⴰⵢⵏ ⴰⴽⴽⵯ ⵉⵎⵔⵙⴰⵍⵏ ⴷ ⵡⴰⵔ ⵉⵎⵔⵙⴰⵍⵏ ⴷ ⵉⵎⵛⵛⵔⴽⵏ, ⵙⵢⴰⴼⴰⵏ ⵙ ⵜⴰⵏⴰⴹⵉⵏ ⴷ ⵉⵎⵏⴰⴷⵏ ⵅⴼ ⵜⵎⵢⴰⴳⴰⵏⵜ ⵏ ⵜⴳⵔⵓⵎⵎⴰ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ. ⴰⵎ ⵜⴰⵡⵓⵔⵉ ⴷ ⵓⵙⵍⵎⴷ ⴷ ⵜⴷⵓⵙⵉ ⴷ ⵜⵣⴷⵓⵖⵜ, ⴷ ⵉⵣⵔⴼⴰⵏ ⵉⵙⵏⵉⵍⵙⵏ ⵏⵏⵉ ⴱⴰⵀⵔⴰ ⵉⵍⴰⵏ ⴰⴷⴷⵓⵔ ⴳ ⵜⵙⵜⵔⴰⵜⵉⵊⵉⵜ ⵏ ⵓⵙⵇⵇⵉⵎ, ⵎⴽⴷⴰ ⵉⴼⴰⵡ ⵎⴰⵢⴰ ⵏⵏ ⴳ ⵉⵎⵏⴰⴷⵏ ⵏⵏⵉ ⵉⵙⴽⴰⵔ ⵏⵉⵖ ⴳ ⵜⵎⵙⵙⴽⵜⵉⵜ ⵏⵏⵉ ⵉⵙⵡⴰⵍⴰ ⵉ ⵜⵙⵇⵇⵉⵎⵜ ⵉⵥⵍⵉⵏ ⵙ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ, ⵏⵉⵖ ⵙ ⵜⵎⵍⴷⴰ ⵏ ⵓⵙⵎⵏⵉⴷ ⵏ ⵜⵙⵓⵎⵔⵉⵏ ⵏⵏⵙ ⴷ ⵉⵙⵖⵍⴰⴼ ⵏⵏⵙ ⵉ ⵓⵙⴷⵓⵙ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴳ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴹⴰⵕⴰⵜⵉⴳⵉ ⵏ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵯⵙⴰⵏⵉⵏ ⴷ ⵜⵙⴳⵓⵎⴰⵏⵉⵏ.
ⴷⴰ ⵉⵜⵜⵏⵄⴰⵕ ⵓⵙⵇⵇⵉⵎ ⵅⴼ ⵜⵏⴽⵔⴰ ⵙ ⵉⵣⵔⴼⴰⵏ ⵉⴷⵍⵙⴰⵏⵏ ⵙ ⵡⴰⵏⵏⴰⵍ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵜⴰⵏⴰⴹⵜ ⵉⵥⵍⵉⵏ ⵙ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ ⵏⵏⴰ ⵉⵙⵙⵉⵙⴼⵉⵡⵏ ⵜⵉⵏⴷⵉ ⵏ ⵜⵓⵙⵙⵏⴰ ⴳ ⵜⴳⵎⵉ ⵜⴰⵖⵣⵓⵔⴰⵏⵜ, ⵏⵉⵖ ⵙ ⵓⵙⵎⵀⵍ ⵏ ⵉⵙⵏⵜⴰⵢ ⵓⵏⴱⵉⴹⵏ ⵉⵣⴷⵉⵏ ⵙ ⵜⵎⵙⵍⴰⵢⵜ ⵜⴰⴷⵍⵙⴰⵏⵜ ⵉⵙⵡⵓⵜⵜⵙⵏ ⵜⴰⵏⴼⵔⵓⵜ ⵏ ⵓⵙⴱⵓⵖⵍⵓ ⵏ ⵜⵎⴰⴳⵉⵜ ⵜⴰⵏⵎⴰⴳⵓⵜ ⵏ ⵍⵎⵖⵔⵉⴱ ⴷ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⵏ ⵜⵎⵓⵔⵉ ⴷ ⵓⵙⵀⵡⵏ ⵏ ⵡⴰⴷⴰⴼ ⵏ ⵜⵡⵏⵏⵉⵜⵉⵏ ⵜⵉⵥⵓⵕⴰⵏⵉⵏ ⴷ ⵓⵙⵙⵔⵇⴱ ⵅⴼ ⵓⵙⵏⴼⵍⵓⵍ, ⴷ ⵓⴹⴼⴼⵓⵕ ⵏ ⵓⵙⴰⵡⵔ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.
ⴷ ⴰⵔ ⵉⵜⵜⵏⵄⴰⵕ ⵓⵙⵇⵇⵉⵎ ⴳ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵯⵙⴰⵏⵉⵏ ⴰⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵉⴼⵓⴽⵙⵏ ⵉⵙⵏⵉⵍⵙⴰⵏⵏ ⴳ ⵉⴷⵔⴰⵙⵏ ⵏ ⵉⵎⵙⵖⴰⵏⵏ ⵓⵏⴱⵉⴹⵏ ⴷ ⵉⵎⵙⵙⵓⴳⵓⵔⵏ ⵏⵏⴰ ⵉⵙⵎⵏⵉⴷⵏ ⵜⵉⵏⵓⴼⴰ ⵜⵉⵎⴰⵜⴰⵢⵉⵏ ⴳ ⵜⵙⴳⴳⵯⵉⵏ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵓⴹⴼⵓⵕ ⵏ ⵓⵙⴷⵓⵙ ⵏ ⵜⵓⴳⴳⴰⵣ ⵉⵙⵡⵓⵜⵜⵙⵏ ⴰⵙⵓⴷⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⴰⵍ ⴷ ⵜⵙⴷⴰⵡⵉⵢⵉⵏ, ⴷ ⴳ ⵜⵙⵏⴱⴹⴰⵢⵉⵏ ⴷ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⵢⴰⴹⵏ, ⴷ ⵓⴼⵔⴰⴳ ⵏ ⵡⴰⵢⴷⴰ ⴰⵎⴰⵣⵉⵖ ⴳ ⵍⵎⵖⵔⵉⴱ ⵙ ⵜⵡⵉⵍⴰ ⵜⴰⵖⵣⵓⵔⴰⵏⵜ.
ⵜⵉⵎⵉⵔⵉⵏ
